سرگودھا، منشیات فروشوں کیخلاف جاری مہم میں متعدد ملزمان گرفتار

سرگودھا(این این آئی)سرگودھا میں منشیات فروشوں کے خلاف جاری مہم میں پولیس نے متعدد ملزمان کو گرفتار کر کے بھاری مقدار میں منشیات و شراب برآمد کر لی اور الگ الگ مقدمات درج کر کے مصروف تفتیش ہے۔زرائع کے مطابق سرگودھا میں منشیات فروشوں کے خلاف جاری جاری کریک ڈان میں تھانہ عطا شہید پولیس نے منشیات فروش
فیاض کو گرفتارکرکے اس کے قبضہ سے 1 کلو 320 گرام چرس برآمد کر لی،تھانہ مڈھ رانجھا پولیس نے منشیات فروش طاہر کو گرفتار کر کے1کلو 380 گرام چرس برآمد کر لی۔تھانہ بھیرہ پولیس نے منشیات فروش آصف کو گرفتار کر کے 1 کلو 300 گرام چرس برآمد کر لی۔تھانہ کڑانہ نے منشیات فروش زاہد اقبال کو گرفتارکر کے اس کے قبضہ سے 1 کلو 350 گرام چرس برآمد کرلی۔ تھانہ کڑانہ پولیس نے شراب فروش ربنواز کو گرفتار کر کے اس کے قبضہ سے 30 لٹر شراب،200 لٹر لہن و آلات کشید برآمد کر لئے۔ تھانہ مڈھ رانجھا پولیس نے منشیات فروش ارشد عرف ننھا کو گرفتار کر کے اس کے قبضہ سے 1 کلو 340 گرام چرس برآمد کر لی اور ملزمان کے خلاف الگ الگ مقدمات درج کر کے مصروف تفتیش ہے۔اس موقع پر ڈی پی او توقیر محمد نعیم نے کہا کہ منشیات فروشی جیسے مکروہ دھندے میں ملوث افراد کسی قسم کی رعایت کے مستحق نہیں، ڈی پی او نے کہا کہ ضلع بھر میں منشیات فروشوں کے خلاف بلاتفریق کریک ڈان جاری رہے گا تاکہ نوجوان نسل کو اس ناسور سے محفوظ رکھا جا سکے۔