فضائی آلودگی میںلاہور دنیا کے بڑے شہروں میں پہلے ،نئی دہلی دوسرے نمبرپر رہا

لاہور( این این آئی) فضائی آلودگی میں صوبائی دارالحکومت لاہور دنیا کے بڑے شہروں میں گزشتہ روز بھی پہلے نمبر پررہا۔یوایس اے کے معیارکے مطابق لاہورمیں اے کیوآئی 298 ریکارڈ کیا گیا۔،بھارتی دارالحکومت نئی دہلی فضائی آلودگی میں دوسرے نمبرپر رہا جہاں اے کیوآئی 255 ریکارڈہوا۔ لاہور شہر کے مختلف علاقوں میں بھی ایئر کوالٹی انڈیکس 500 تک پہنچ گیا،شاہدرہ، کاہنہ نو، ملتان روڈ، سفاری پارک، جی ٹی روڈ، گلبرگ تھری اور ایجرٹن روڈ کا اے کیو آئی 500 ریکارڈ کیا گیا۔پنجاب کے شہروں کی درجہ بندی میں ڈی جی خان، قصور، ننکانہ صاحب اور راجن پور کا اے کیو آئی 500 ،لاہور کا ایئر کوالٹی انڈیکس 403 ریکارڈ کیا گیا۔