اسسٹنٹ کمشنر غازی کی زیرِ نگرانی تجاوزات کے خلاف آپریشن جاری

تربیلا غازی (نامہ نگار)خیبر پختونخوا حکومت کی ہدایات پر اسسٹنٹ کمشنر غازی کی زیرِ نگرانی مین بازار غازی میں تربیلا روڈ پر پختہ تجاوزات کے خلاف آپریشن جاری ہے،کارروائی کے دوران سابق رکن صوبائی اسمبلی فیصل زمان موقع پر پہنچ گئے اور آپریشن کے آغاز کے مقام سمیت روڈ کی مقررہ حدود پر اعتراض اٹھاتے ہوئے انتظامیہ کے سامنے اپنا مقف پیش کیا،ان کی مداخلت کے بعد مشینری کو ہسپتال چوک سے بازار کے ابتدائی حصے میں منتقل کر دیا گیا، جہاں سے آپریشن دوبارہ شروع کیا گیا،تفصیلات کے مطابق تربیلا روڈ پر تجاوزات کے خاتمے کے لیے انتظامیہ کی جانب سے کارروائی کی جا رہی ہے،واپڈا انتظامیہ اور متعلقہ پٹواریوں کے مطابق روڈ کے مرکز سے دونوں جانب 55، 55 فٹ تک کی حدود کو روڈ میں شامل قرار دیا گیا ہے،جس کے تحت تجاوزات کی نشاندہی اور انہیں ہٹانے کا عمل جاری ہے،آپریشن کے دوران سابق ایم پی اے فیصل زمان نے موقع پر پہنچ کر روڈ کی حدود اور کارروائی کے طریق کار پر اعتراض کیا،انہوں نے مقف اختیار کیا کہ آپریشن بازار کے ابتدائی حصے سے شروع کیا جائے،اس موقع پر روڈ کی حد 55 فٹ کے بجائے 45 فٹ مقرر کرنے کے معاملے پر بھی انہوں نے اپنا مقف پیش کیا اور اس حوالے سے کوششیں جاری رکھنے کا اعلان کیا،ان کی مداخلت کے بعد اسسٹنٹ کمشنر غازی نے مشینری کو بازار کے ابتدائی حصے میں منتقل کرنے کی ہدایت کی،فیصل زمان کی جانب سے روڈ کی حدود میں کمی کے مطالبے اور دکانداروں کے ممکنہ مالی نقصان سے متعلق تحفظات کے باعث یہ معاملہ بازار میں خصوصی توجہ کا مرکز بن گیا۔ مقامی سطح پر ان کی اس مداخلت کو دکانداروں کے مفادات کے تحفظ کی کوشش قرار دیا جا رہا ہے،تاہم روڈ کی حد 45 فٹ مقرر کرنے کے حوالے سے تاحال کسی حتمی فیصلے کی تصدیق نہیں ہو سکی،آپریشن کے موقع پر ڈی ایس پی غازی،ایس ایچ او غازی اور پولیس کی بھاری نفری بھی موجود تھی،جنہوں نے امن و امان برقرار رکھنے کے لیے انتظامیہ کے ساتھ فرائض انجام دیے،کارروائی شروع ہوتے ہی متعدد دکانداروں نے ممکنہ انہدام سے بچنے کے لیے اپنے شیڈ اور چھپر ازخود ہٹانا شروع کر دیے، جس سے بازار کی کاروباری سرگرمیاں بھی متاثر ہوئیں،تجاوزات کے خلاف جاری آپریشن کے دوران اب اصل توجہ اس امر پر مرکوز ہے کہ تربیلا روڈ کی قانونی حدود کا حتمی تعین کس بنیاد پر کیا جاتا ہے اور دکانداروں کے تحفظات کو کس حد تک مدنظر رکھا جاتا ہے۔ فیصل زمان کی مداخلت کے بعد روڈ کی مقررہ حد اور تجاوزات کے خلاف کارروائی کا معاملہ مزید اہمیت اختیار کر گیا ہے۔حویلیاں کی ممتاز شخصیت میاں محمد اسحاق پاکستان فلور ملز ایسوسی ایشن کے ایگزیکٹو ممبر منتخب، سابق ممبران تحصیل کونسل کی مبارکباد، میاں محمد اسحاق کا انتخاب علاقے کے لئے باعثِ مسرت اور بڑا اعزاز ہے چیئرمین عبدالرزاق گجر، امید ہے میاں اسحاق اپنے تجربے کو بروئے کار لاتے ہوئے انڈسٹری کی ترقی اور تاجروں کے مسائل کے حل میں موثر کردار ادا کریں گے عبد الرزاق گجر