قاضیاں رورل ہیلتھ سنٹر کی ایکسرےمشین 8 ماہ سے غیر فعال

گوجرخان (بیورو رپورٹ)رورل ہیلتھ سنٹر قاضیاں میں فروری کے دوران ایکسرے مشین کی ٹیوبز چوری ہونے کے آٹھ ماہ بعد بھی مشین دوبارہ انسٹال نہ ہو سکی، جبکہ واقعے کی انکوائری رپورٹ تاحال سامنے نہیں آ سکی۔ سوال یہ ہے کہ سرکاری ہسپتال سے قیمتی سامان چوری ہونے کا ذمہ دار کون ہے؟ کیا واقعے کا مقدمہ درج کیا گیا، انکوائری ہوئی اور اگر ہوئی تو اس میں کس کو ذمہ دار ٹھہرایا گیا؟ آٹھ ماہ گزرنے کے باوجود گوجرخان کے ڈی ڈی ایچ او ڈاکٹر عامر شیخ سے انکوائری رپورٹ بھی موصول نہیں ہو سکی۔ شہریوں نے محکمہ صحت کے اعلی حکام سے مطالبہ کیا ہے کہ چوری کے واقعے کی تفصیلات اور انکوائری رپورٹ منظر عام پر لائی جائے، ذمہ داروں کا تعین کیا جائے اور ایکسرے مشین کو فوری طور پر فعال بنایا جائے تاکہ مریضوں کو تشخیصی سہولت میسر آ سکے۔