پرائیوٹ حج سکیم کے تحت اکانوی پیکج 14 لاکھ سے ساڑھے17لاکھ روپے مقرر کیا گیا ہے:وزارت مذہبی امور

اسلام آباد (آئی این پی) وزارت مذہبی امور نے پرائیویٹ حج پیکجز کی تفصیلات قومی اسمبلی میں پیش کر دی۔ وزارت مذہبی امور نے پرائیویٹ حج سکیم کے تحت مجموعی طور پر 16 پیکجز متعارف کروائے، جن میں پرائیوٹ حج سکیم کے تحت اکانوی پیکج 14 لاکھ سے ساڑھے17 لاکھ روپے مقرر کیا گیا ہے۔ وزارت مذہبی امور کے مطابق معیاری پیکج 18 لاکھ 40 ہزار سے 23 لاکھ 40 ہزار روپے مقرر کیا گیا جبکہ پریمیم پیکج 25 لاکھ 50 ہزار سے 37 لاکھ 50 ہزار روپے مقرر کیا گیا ہے۔