ڈنہانگ(این این آئی)پاکستان کی ہاتھ سے تیار کردہ گلابی لکڑی، پیتل اور پتھر کی مصنوعات شمال
غربی چین کے شہرڈوہانگ میں منعقدہ ثقافتی نمائش میں شائقین کی توجہ کا مرکز بن گئیں۔چائنہ اکنامک نیٹ کے مطابق نمائش میں پاکستان کے دو نمائش کنندگان اپنی دستکاریوں کے ساتھ شریک ہوئے، ان میں سے ایک کمپنی خان ٹریڈرز، جسے دو بھائی چلاتے ہیں، اپنے اسٹال پر تقریباً 100مختلف مصنوعات پیش کیں۔کمپنی کے چھوٹے بھائی نعیم مرزا نے کہا کہ یہ تمام مصنوعات مکمل طور پر ہاتھ سے تیار کی گئی ہیں، ان میں کسی مشین کا استعمال نہیں کیا گیا۔
