پولیس افسران کے تبادلوں اور تقرریوں کے احکامات جاری

لاہور (کرائم رپورٹر) انسپکٹر جنرل آف پولیس پنجاب عبدالکریم، پی ایس پی نے پولیس افسران کے تبادلوں اور تقرریوں کے احکامات جاری کر دیئے ہیں۔ جاری کردہ نوٹیفکیشن کے مطابق6 ڈی ایس پیز کے تبادلے اور نئی تعیناتیاں عمل میں لائی گئی ہیں۔ احکامات پر فوری عملدرآمد ہوگا۔ نوٹیفکیشن کے مطابق ڈی ایس پی خالد محمود کو ایس ڈی پی او صدر ٹی ٹی سنگھ سے ڈسٹرکٹ آفیسر سپیشل برانچ شیخوپورہ تعینات کر دیا گیا ہے۔ ڈی ایس پی محمد یاسین کو ڈسٹرکٹ آفیسر سپیشل برانچ بہاولنگر سے سنٹرل پولیس آفس پنجاب لاہور تعینات کیا گیا ہے۔ ڈی ایس پی نعیم عباس کو ڈی ایس پی انوسٹی گیشن راجن پور سے ڈی ایس پی ہیڈکوارٹرز ملتان تعینات کر دیا گیا ہے۔ ڈی ایس پی بابر نواز اور ڈی ایس پی غضنفر علی کے تبادلوں کا بھی نوٹیفکیشن جاری کیا گیا ہے۔ بابر نواز کو ڈی ایس پی’ ڈی او سی سی ڈی جھنگ جبکہ غضنفر علی کو ڈی ایس پی/ڈی او سی سی ڈی چنیوٹ تعینات کیا گیا ہے۔ دونوں افسران ایک دوسرے کی جگہ فرائض انجام دیں گے۔ اسی طرح ڈی ایس پی مدثر کلیم کو ڈی ایس پی لیگل تھری ملتان سے ڈی ایس پی لیگل سی سی ڈی ڈی جی خان ریجن تعینات کیا گیا ہے، تاہم وہ ڈی ایس پی لیگل سی سی ڈی ملتان ریجن کے طور پر کام جاری رکھی۔