شیخوپورہ(بیورورپورٹ)ماچھی کے میں آئل ٹینکر کی ویلڈنگ کے دوران خوفناک دھماکہ کے دوزخمی جاں بحق ہوگئے علاقہ میں خوف وہراس ،نماز جنازہ ادا کردی گئی پولیس نے ورکشاپ مالک کیخلاف مقدمہ درج کرلیا بتایا گیا ہے کہ گذشتہ روز ماچھی کے میں خالی آئل ٹینکر کی ویلڈنگ کے دوران زوردار دھماکہ ہوگیا جس سے قریبی عمارتوں کے شیشے ٹوٹ گئے جبکہ 18سالہ ویلڈر فیاض کریم اور 22سالہ ٹینکر مالک شدیدزخمی ہوگئے جنہیں فوری طور پر ہسپتال منتقل کیا گیا مگر وہ ہسپتال میں زخموں کی تاب نہ لاتے ہوئے دم توڑ گئے 18سالہ ویلڈر فیاض کریم اور22 سالہ ٹینکر مالک شدید زخمی ہوگئے تھے دھماکہ اس قدر زوردار تھا کہ قریبی عمارتوں کے شیشے ٹوٹنے کے علاوہ سڑک پر گاڑیاں تک رک گئیں تھانہ صدر پولیس نے فیکٹری مالک میاں جواد کے خلاف 436/440G/286/337/285 ت پ کی دفعات کے تحت مقدمہ درج کرلیا ہے افسوسناک واقعے کے بعد علاقے میں خوف و ہراس پھیل گیا جبکہ ورکشاپس میں ویلڈنگ کے دوران حفاظتی اقدامات کی اہمیت ایک بار پھر اجاگر ہوگئی واقعے نے متعلقہ اداروں کی جانب سے حفاظتی انتظامات کی نگرانی اور احتیاطی تدابیر پر عمل درآمد کے حوالے سے بھی کئی سوالات کھڑے کر دئیے ہیں
