برطانیہ کی روس کے 10بڑے تیل پیدا کرنے والے اداروں پر پابندیاں

لندن (آئی این پی )برطانیہ نے روس کی توانائی کی صنعت کو مزید دبائو میں لانے کیلئے نئی
پابندیوں کا اعلان کردیا، جس کے تحت روس کے 10 بڑے تیل پیدا کرنے والے اداروں، کوئلہ کمپنیوں اور تیل کی ترسیل کے لیے استعمال ہونے والے شیڈو فلیٹ کے متعدد بحری جہازوں کو پابندیوں کی فہرست میں شامل کرلیا گیا ہے۔برطانوی حکومت کے مطابق روسی سرکاری توانائی کمپنی روس نیفٹ کا اہم ووسٹوک آئل منصوبہ بھی نئی پابندیوں کی زد میں آگیا ہے۔روس نے فروری 2022 میں یوکرین پر حملہ کیا تھا، جس کے بعد برطانیہ، امریکا اور یورپی یونین نے ماسکو کے خلاف متعدد معاشی اور مالی پابندیاں عائد کیں۔ان پابندیوں میں روسی بینکوں، توانائی کمپنیوں، دفاعی صنعت، اہم شخصیات اور تجارتی اداروں کو نشانہ بنایا گیا۔برطانوی حکومت کی جانب سے جاری بیان کے مطابق نئی پابندیوں کا مقصد روس کی توانائی سے حاصل ہونے والی آمدنی محدود کرنا اور یوکرین کے خلاف جنگ کے لئے مالی وسائل کی فراہمی روکنا ہے۔
پابندیاں