دبئی (ویب ڈیسک) قومی کرکٹر شعیب ملک ایک جانب پاکستان سپر لیگ کھیلنے میں مصروف ہیں تو دوسری طرف وہ شام میں مسلمانوں کی موجودہ صورت حال پر بھی دل گرفتہ ہیں جس کا اظہار انہوں نے سوشل میڈیا پر کیا ۔سماجی رابطے کی ویب سائٹ ٹوئٹر پر اپنے پیغام میں لکھا کہ میں نے ابھی پڑھا ہے کہ شام کی ایک ننھی نے خالق حقیقی کے پاس جانے سے پہلے کہا ہے کہ وہ اللہ تعا لیٰ کو سب کچھ بتائے گی ۔ میں بہت بوجھل دل کے ساتھ ٹویٹ کر رہا ہوں ،اے اللہ رحم فرما ۔شعیب ملک کی یہ ٹویٹ جیسے ہی سامنے آئی تو صارفین نے خوب سراہا ۔
