لاہور (شوبزڈیسک) سنجے دت کی گینگسٹر کے کردار میں واپسی، نئی فلم ”صاحب ، بیوی اور گینگسٹرتھری“ 27 جولائی کو پاکستانی سنیماﺅں کی زینت بنے گی ۔ایوارڈ یافتہ ڈائریکٹر تیگمانشو دھولیا کی زیر ہدایت بننے والی فلم میں جمی شیرگل ،سوہا علی خان ، ماہی گل اور چترنگدا سنگھ جیسے فنکار شامل ہیں۔بالی وڈ کے منا بھائی سنجے دت اپنے روایتی انداز میں پردہ سیمیں پر واپسی کیلئے تیار ہیں اور گینگسٹر کے کردار میں انکی نئی فلم کی پاکستان میںنمائش کے حقوق ڈسٹر ی بیوشن کلب نے حاصل کر لئے ہیں جس کے پلیٹ فارم سے آئندہ جمعے ستائیس جولائی کوفلم لاہور، کراچی اور اسلام آباد سمیت سرکٹ کے تمام سنیماﺅں میں نمائش کیلئے پیش کی جائے گی۔
ڈائریکٹر تیگمانشو دھولیا کی زیر ہدایت بننے والی فلم کامیاب سیریز ”صاحب ، بیوی اور گینگسٹر“ کا تیسرا حصہ ہے جس میں ورسٹائل فنکار سنجے دت ایک نئی لک کے ساتھ فلم کے سب سے پاروفل گینگسٹر کے کردار میں نظر آئے ہیں ۔ فلم کی کہانی ایک امیر راجہ ، اسکی چالاک بیوی اور جرائم پیشہ گینگسٹر کی محبت ، انتقام اور دشمنی بھری داستان پر مبنی ہے جوہر وقت ایک دوسرے کے خلاف سازشی کاروائیوں میں مصروف رہتے ہیں ۔ فلم کے ریلیز ہونے والے ابتدائی دونوں حصوں نے بھی باکس آفس پرشاندار کامیابی حاصل کی تھی جبکہ سنجے دت کی موجودگی نے فلم کو چار چاند لگا دئیے ہیں ۔ فلم کی سٹار کاسٹ میں سینر فنکار کبیری بیدی اور دیپک تجوری بھی شامل ہیں اور اسکا ٹائٹل ٹریک بھی سنجے دت پر فوکس کرکے ترتیب دیا گیا ہے ۔
سنجو باباکی ”صاحب ، بیوی اور گینگسٹر3“ 27 جولائی کو ریلیز ہو گی
