پاکستان ،ویسٹ انڈیز کے درمیان کرکٹ سیریز کے معاملات طے

لاہور(سی پی پی)پاکستان اور ویسٹ انڈیز کے درمیان سیریز کے معاملات طے پا گئے جس کے مطابق دو ٹیموں کے درمیان سیریز 2021 میں ہوگی۔ذرائع کے مطابق پاکستان اور ویسٹ انڈیز کے درمیان سیریز کا ایک ٹی ٹوئنٹی اور 3 ٹیسٹ میچز جولائی 2021 میں ویسٹ انڈیز میں ہوں گے جب کہ دو ٹی ٹوئنٹی میچز امریکا میں کھیلے جائیں گے۔ذرائع کا کہنا ہے کہ پاکستان اور ویسٹ انڈیز کے درمیان 2 ٹی ٹوئنٹی میچز امریکا میں کھیلے جائیں گے جس کے لیے قومی ٹیم امریکی شہر فلوریڈا جائے گی۔ ذرائع کے مطابق ویسٹ انڈیز 2021 میں ہی ون ڈے اور ٹی ٹوئنٹی میچز پر مشتمل سیریز کھیلنے متحدہ عرب امارات آئے گی۔واضح رہے کہ گرین شرٹس ستمبرمیں ایشیاکپ کھیلنے یواے ای جائے گی۔میگا ایونٹ 15سے28ستمبرتک کھیلا جائیگا جس میں 6ٹیمیں ایکشن میں نظرآئیں گی۔پاکستانی ٹیم 16 ستمبر کو کوالیفائر ٹیم کے خلاف میچ سے مہم کا آغاز کرے گی، گرین شرٹس کو 19 ستمبر کو روایتی حریف بھارت کا چیلنج درپیش ہو گا۔ایشیا کپ کے بعدگرین شرٹس اکتوبر میں یواے ای میں آسٹریلیا کیخلاف ٹیسٹ سیریزکی میزبانی کریگا۔