دبئی(ویب ڈیسک) پاکستان کی جانب سے دیئے گئے 163 کے ہدف کے تعاقب میں بھارت کی بیٹنگ جاری ہے۔دبئی انٹرنیشنل اسیٹیڈیم میں کھیلے جا رہے میچ میں پاکستان کی پوری ٹیم 162 رنز پر آو¿ٹ ہو گئی تھی۔پاکستان کی جانب سے دیے گئے ہدف کے تعاقب میں بھارتی اوپنرز کی شاندار بلے بازی جاری ہے اور بھارت نے بغیر کسی وکٹ کے نقصان کے 52 رنز بنا لیے ہیں۔قبل ازیں پاکستان کے کپتان سرفراز احمد نے ٹاس جیت کر پہلے بیٹنگ کا فیصلہ کیا جو سود مند ثابت نہ ہوا۔پاکستان کی جانب سے اننگز کا آغاز کانگ کانگ کے خلاف ففٹی اسکور کرنے والے امام الحق اور فخر زمان نے کیا لیکن تیسرے ہی اوور میں امام الحق دو رنز بنا کر بھونیشور کمار کی گیند پر وکٹوں کے پیچھے کیچ آو¿ٹ ہو گئے۔بھونیشور کمار نے پانچویں اوور میں پاکستان کے دوسرے اوپنر فخر زمان کو بھی کیچ آو¿ٹ کرا دیا، فخر زمان 9 گیندوں کا سامنا کرنے کے باوجود اپنا کھاتا بھی نہ کھول سکے۔دونوں اوپنرز کے جلد آو¿ٹ ہونے کے بعد بابر اعظم اور شعیب ملک نے بہترین بلے بازی کا مظاہرہ کرتے ہوئے اپنی ٹیم کو سنبھالا اور پاکستان کا اسکور 85 رنز تک پہنچایا۔سینتالیس کے انفرادی اسکور پر بابر اعظم کلدیپ یادیو کی گیند پر کلین بولڈ ہو گئے۔بابراعظم کے آو¿ٹ ہونے کے بعد کپتان سرفراز احمد وکٹ پر آئے تاہم جلد بازی کا مظاہرہ کرتے ہوئے وہ چھکا لگانے کی کوشش میں باو¿نڈری پر کیچ آو¿ٹ ہو گئے۔ متبادل فیلڈر منیش پانڈے نے ان کا شاندار کیچ پکڑا اور 6 رنز پر ان کی اننگز کا خاتمہ کر دیا۔100 کے مجموعی اسکور پر شعیب ملک بھی 43 رنز بنا کر رن آو¿ٹ ہو گئے جب کہ آصف علی بھی 9 رنز بنا کر کیدار جادھو کی گیند پر وکٹوں کے پیچھے کیچ آو¿ٹ ہو گئے۔شاداب خان بھی 121 کے مجموعی اسکور پر کیدار جادھو کی گیند پر چھکا لگانے کی کوشش میں اسٹمپڈ آو¿ٹ ہوئے، انہوں نے 8 رنز کی اننگز کھیلی۔فہیم اشرف 22 رنز بنانے کے بعد 157 کے مجموعی اسکور پر جسپریت بھمراہ کی گیند پر شیکر دھون کے ہاتھوں کیچ آو¿ٹ ہوئے۔پاکستان کی نویں وکٹ حسن علی کی صورت میں گری جب وہ ایک رن بنا کر کیچ آو¿ٹ ہوئے۔ آخری آو¿ٹ ہونے والے کھلاڑی عثمان شنواری تھے جو بغیر کوئی رن بنائے آو¿ٹ ہوئے۔بھارت کی جانب سے بھونیشوار کمار اور کیدار جادھو نے 3، 3، جسپریت بھمراہ نے دو اور کلدیپ یادیو نے ایک کھلاڑی کو آو¿ٹ کیا۔
