موجودہ سلیکشن کمیٹی میں دم خم نظرنہیں آرہا،عبدالقادر آئندہ کے میچز کےلئے پاکستان کو بہتر حکمت عملی کی ضرورت ہے،طاہرشاہ کی گگلی میں گفتگو

لاہور(مانیٹرنگ ڈیسک) سابق کوکٹر عبدالقادر نے کہا ہے کہ مشتاق محمد،آصف اقبال ،ظہیر عباس اور ماجد خان سے کرکٹ کے شعبے میں کبھی کام نہیں لیا گیا لیکن ان لوگوں کو پوچھا تک نہیں جاتا۔چینل فائیو کے پروگرام گگلی میں گفتگو کرتے ہوئے انہوں نے کہا کہ ہمارے کرکٹ بورڈ کے لوگوں سے پوچھنا چاہئے مکی آرتھر کو کون لے کر آیا۔کیا محسن خان،عامر سہیل کسی کو نظر نہیں آتے۔ اپنی نرسری کو تیا ر کریں پاکستانی کوچز کو آگے لائیں کیا صرف گوروں سے ہی کام لینا ہے۔جب ساری توجہ پی ایل ایس اور ٹی ٹوئنٹی پر ہو گی تو ٹیسٹ میں شکست ہی ہو گی۔ہر جگہ نان کرکٹر بٹھا دیے گئے ہیں۔سابق فرسٹ کلاس کرکٹر طاہر شاہ نے کہا کہ میرے خیال سے کرکٹر کی بہتری کے لئے مزید کام کرنے کی ضرورت ہے۔آئندہ کے میچز کے لئے پاکستان کو بہتر حکمت عملی کی ضرورت ہے۔ہر کھلاڑی کو اپنی ذمہ داری کو جانچنا چاہئے۔ٹیم کا مورال کافی نیچے ہے۔آسٹریلیا کی ٹیم بہترین کھلاڑی کے نہ ہونے کے باوجود کھڑی ہو رہی ہے ،ہمارے پاس تو پھر بہتری کھلاڑی ہیں۔