اسلام آباد (ویب ڈیسک)برطانوی شہزادہ ولیم اور ان کی اہلیہ کیتھرائن کیٹ مڈلٹن 14 اکتوبر کی شب پاکستان کے تاریخی دورے پر پہنچیں تو سیاسی شخصیات سمیت عام عوام بھی خوش دکھائی دیا۔شاہی جوڑے کا یہ پہلا پاکستانی دورہ ہے، اس سے قبل شاہی خاندان کے کچھ افراد بشمول ملکہ برطانیہ اور شہزادہ ولیم کی والدہ لیڈی ڈیانا اور والد شہزادہ چارلس بھی پاکستانی
دورہ کر چکے ہیں۔برطانوی شاہی خاندان کے ماضی کے دوروں کی طرح شہزادہ ولیم اور کیٹ مڈلٹن کے دورے کو بھی برطانیہ اور پاکستان کے تعلقات کے حوالے سے انتہائی اہم سمجھا جا رہا ہے۔شاہی جوڑے کی جانب سے دورے کے موقع پر پہنے گئے لباس کی جہاں تعریف ہو رہی ہے، وہیں ہر کوئی یہ جاننے کے لیے بے قرار ہے کہ آکر شہزادہ کیٹ مڈلٹن کا انتہائی سادہ مگر دیدہ زیب لباس کس نے تیار کیا۔کیٹ مڈلٹن نے اصولی طور پر کسی ایک ڈیزائنر کے تیار کردہ لباس نہیں پہنے، تاہم ان کی جانب سے دورے کے دوسرے روز پہنے
گئے پاکستانی طرز کے لباس کی کافی تعریفیں کی گئیں۔کیٹ مڈلٹن کے پاکستانی طرز کے لباس کا ڈیزائن بھی پاکستانی خاتون ڈیزائنر نے تیار کیا تھا۔کیٹ مڈلٹن کے دوسرے روز کے نیلے رنگ کے لباس کا ڈیزائن صوبہ سندھ کے دارالحکومت کراچی سے تعلق رکھنے والی ڈیزائنر
ماہین خان نے تیار کیا، جن کے تیار کردہ مشرقی لباس برطانیہ بھر میں مشہور ہیں۔ماہین خان نے ڈان امیجز سے بات کرتے ہوئے اس بات کی تصدیق کی کہ انہوں نے ہی کیٹ مڈلٹن کے
مشرقی لباس تیار کیے۔ماہین خان کے مطابق انہیں کیٹ مڈلٹن کے فیشن ٹیم کے ارکان نے ان کے لیے پاکستانی دورے کے لیے خصوصی لباس تیار کرنے کا کہا تھا۔معروف ڈیزائنر کے مطابق ابتدائی طور پر کیٹ مڈلٹن کی ٹیم کے ارکان نے برطانیہ میں موجود فیشن ہاﺅس ’اونیٹا‘ سے مشرقی لباس خریدے جو شہزادہ ولیم کی اہلیہ کو پسند آئے۔ان کے مطابق کیٹ مڈلٹن نے اپنی ٹیم کو مجھ سے رابطہ کرکے پاکستانی دورے کے حوالے سے ڈریس تیار کرنے کا کہا
اور بعد ازاں ڈیزائنر اور شاہی محل کے درمیان ایک معاہدہ ہوا جس کے تحت ماہین خان نے کیٹ مڈلٹن کے لیے لباس تیار کیا۔انہوں نے یہ بھی بتایا کہ ان کی جانب سے کیٹ مڈلٹن کے لیے متعدد لباس تیار کیے گئے ہیں اور انہیں اس بات کا علم نہیں کہ وہ ان کے تیار کردہ ڈریس کب، کس موقع پر پہنیں گی۔کیٹ مڈلٹن نے پاکستانی دورے کے دوران جہاں ماہین خان کا تیار کردہ لباس پہنا، وہیں انہوں نے ’زین‘ اور ’سترنگی‘ فیشن برانڈ کے دوپٹے اور دیگر چیزیں بھی استعمال کیں۔کیٹ مڈلٹن نے پاکستان ا?مد کے موقع پر جو ہلکے نیلے رنگ کا لباس زیب تن کیا تھا وہ برطانوی ڈیزائنر کیتھرین واکرنے تیار کیا تھاخیال کیا جا رہا ہے کہ کیٹ مڈلٹن پاکستانی دورے کے دوران دیگر معروف پاکستانی ڈیزائنر اور فیشن ہاو¿سز کے لباس یا دیگر ملبوسات استعمال کریں گی۔
