جیکب آباد: (ویب ڈیسک) تحصیل ٹھل میں نجی کلینک انتظامیہ کی بے حسی، مبینہ آکسیجن نہ ملنے پر 4 نومولود دم توڑ گئے، عملہ فرار ہوگیا۔تحصیل ٹھل میں قائم ایک نجی ہسپتال میں گزشتہ رات 4 نومولود بچے ڈاکٹروں اور عملے کی مبینہ غفلت کے باعث جاں بحق ہو گئے۔ ورثا نے ہسپتال انتظامیہ پر الزام عا?د کرتے ہوئے کہا ہے کہ عملے نے غفلت کی انتہا کر دی۔نومولود بچوں کو آکسیجن لگا کر تنہا وارڈ میں چھوڑ کر کسی نے خبر نہ لی، نومولود رات بھر لاوارثوں کی طرح کمرے میں پڑے رہے، عملے سمیت ڈاکٹروں کو خیال آیا نہ والدین کو ملنے کی اجازت دی گئی، رابطہ کرنے پر ڈی ایچ او نے لاعلمی کا اظہار کیا۔ورثا کو مشتعل دیکھ کر ایس ایس پی بشیر احمد بروہی نے حالات کنٹرول میں رکھنے کی خاطر نجی کلینک سیل کرا دیا۔
