اسلا م ا ٓبا د (ویب ڈیسک)پاکستان نے بھارتی آرمی چیف کے دعوے کو جھوٹ ثابت کرنے اور حقائق سے آگہی کے لیے غیرملکی سفرا، ہائی کمشنر کو آزاد کشمیر میں لائن آف کنٹرول (ایل او سی) کا دورہ کروانے کے لیے وادی نیلم پہنچا دیا۔تاہم پاکستان میں متعین بھارتی ناظم الامور گورو اہووالیا ان سفرا کے ساتھ ایل او سی پر نہیں گئے۔ایل او سی کا دورہ کرنے والے غیرملکی سفرا کے ہمراہ وزارت خارجہ کے ڈائریکٹر جنرل جنوبی ایشیا و سارک اور ترجمان دفتر خارجہ ڈاکٹر محمد فیصل بھی موجود ہیں۔اس دورے کے دوران سفرا و ہائی کمشنرز کو بریفنگ بھی دی جائے گی اور ان علاقوں کا بھی دورہ کروایا جائے گا جنہیں بھارتی اشتعال انگیزی کی صورت میں نقصان پہنچا۔قبل ازیں اس دورے سے کچھ گھنٹوں قبل ترجمان دفتر خارجہ ڈاکٹر محمد فیصل نے کچھ ٹوئٹس بھی کی تھی، جس میں انہوں نے اس معاملے پر بات کی تھی۔
