(ویب ڈیسک)فن لینڈ کی وزیراعظم سانا مارین اپنے منگیتر مارکوس ریکونین سے رشتہ ازدواج سے منسلک ہوگئی ہیں۔عالمی خبررساں ادارے کی رپورٹ کے مطابق فن لینڈ کی 34 سالہ خاتون وزیراعظم سانا مارین نے اپنے انسٹاگرام اکاو¿نٹ میں مارکوس ریکونین سے شادی کا اعلان کیا اور تصاویر بھی جاری کیں۔انسٹاگرام پر جاری تصاویر میں سانا مارین سفید عروسی جوڑے میں ہاتھوں میں گلدستہ لیے مارکوس ریکونن کے ساتھ کھڑی ہیں۔سانا مارین نے انسٹاگرام میں لکھا کہ میں اس شخص کو اپنا شریک حیات بنانے پر بے حد خوش ہوں، جن سے میں پیار کرتی ہوں۔اس حوالے سے فن لینڈ کی حکومت نے ایک جاری بیان میں کہا کہ شادی کی تقریب خاتون وزیراعظم کے سرکاری دفتر کیسارانٹا میں منعقد ہوئی اور تقریب میں جوڑے کے خاندان اور قریبی دوستوں نے شرکت کی۔حکومتی بیان کے مطابق مارین اور مارکوس گزشتہ 16برس سے تعلقات میں ہیں اور ان کی ڈھائی سالہ بیٹی بھی ہے۔خیال رہے کہ سانا مارین کا تعلق سوشل ڈیموکریٹ سے ہے اور گزشتہ برس دسمبر میں فن لینڈ کی وزیر اعظم منتخب ہوئی تھیںگزشتہ برس یکم دسمبر کو سانا میرین فن لینڈ کی وزیر اعظم منتخب ہوئیں تو وہ دنیا کی سب سے کم عمر وزیر اعظم ہونے کے اعزاز کی مالک بن گئیں۔ تاہم جلد ہی وہ آسٹریا کے 33 سالہ سیباستیان کورٹس کے ہاتھوں اپنے ریکارڈ سے ہاتھ دھو بیٹھیں ،اس کے باوجود میرین اب بھی فن لینڈ کی تاریخ کی کم عمر ترین وزیر اعظم ہونے کا اعزاز رکھتی ہیں۔
