کھیلوں میں جوئے کا عنصر دن بدن بڑھ رہا ہے۔ بک میکرز نے جواریوں کے لئے نئے نئے جال بچھا رکھے ہیں اور ایک منصوبے کے تحت بکیوں نے ”میوچل بکس “ بنا رکھی ہیں۔ میچوں میں جتنا بھی جوئے کا پیسہ لگتا ہے نفع اور نقصان صرف جواریوں کا ہوتا ہے‘ بک میکروں کا کچھ نہیں جاتا۔ بلاشبہ بہت سے ملکوں میں جوا¿ روکنے کے لئے اقدامات بھی کئے جاتے ہیں مگر جوا¿ ہے کہ دن بدن بڑھتا جارہا ہے۔ جہاں تک بکیوں کا سوال ہے تو بکیوں نے اس کاروبار کو اس قدر پھیلا دیا ہے پتہ ہی نہیں چلتا کہ بکی کہیں آپ کے پاس بیٹھا ہوگا مگر آپ اسے جان نہ سکیں گے۔ میں نے ایسے لوگوں کو دیکھا ہے جو جوا¿ کھیلنے کے سوا کوئی کام نہیں کرتے۔ میچوں پر جوا¿ اس لئے لگاتے ہیں کہ یہ چند گھنٹوں کا کھیل ہوتا ہے اور فیصلہ ہوجاتا ہے کہ کیا کھویا ہے اور کیا پایا ہے۔ پاکستان میں جوئے کے ہمیشہ نئے ٹرینڈ متعارف کرائے جاتے رہے ہیں۔ کرکٹ کی تو اب ایک ایک گیند اور ایک ایک اوور پر جوا¿ ہوتا ہے۔ سمجھدار لوگ کہتے ہیں جوا¿ کسی کا نہ ہوا مگر یہ جواری اس بات کو ہنسی مذاق میں ٹال دیتے ہیں۔ جوئے نے خاندانوں کے خاندان اجاڑ دیئے۔ لوگ کروڑوں روپے کا جوا¿ ہار کر کنگال ہوجاتے ہیں مگر نصیحت نہیں پکڑتے۔
کرکٹ میں جوا، بکیوں نے ”میوچل بکس“ متعارف کرادیں۔رپورٹ : ستار خان
