راولپنڈی: (ویب ڈیسک) دورہ سری لنکا کی تیاریوں میں کپتان بابر اعظم بطور آل رؤانڈر ابھر کر سامنے آ گئے، پریکٹس میچ میں 134 رنز بنائے ساتھ 2 وکٹیں بھی حاصل کیں۔
دورہ سری لنکا کی تیاریوں کے سلسلہ میں پریکٹس میچ کے دوران کپتان بابر اعظم نے 134 رنز بنا کر بھی آؤٹ نہ ہوئے جبکہ حیران کن طور پر مکمل بولر کے طور پر بھی ان ایکشن ہوئے، 9 اوور کیے، 2 میڈن، 34 رنز کے عوض دو وکٹیں لیں۔
آؤٹ آف فارم فواد عالم نے 75 رنز کے ساتھ کم بیک کا عندیہ دے دیا، تربیتی کیمپ میں آج آرام کا دن ہے، جمعرات سے دوسرا وارم میچ شیڈول ہے۔
قومی ٹیسٹ اسکواڈ 6 جولائی کو سری لنکا روانہ ہو گا، 11 تاریخ سے پریکٹس میچ شروع ہو گا، 2 ٹیسٹ میچز کی سیریز کا آغاز 16 جولائی سے ہو گا۔
بابر کی بیٹنگ کیساتھ باؤ لنگ بھی کمال، پریکٹس میچ میں ان ایکشن، 2 وکٹیں بھی اڑائیں
