سونے کی قیمت میں دوسرے روز بھی بڑا اضافہ

کراچی: (ویب ڈیسک) سونے کی فی تولہ قیمت میں 3 ہزار 50 روپے کا اضافہ ہو گیا۔
صرافہ بازار جیولرز ایسوسی ایشن کے مطابق سونے کی فی تولہ قیمت 3 ہزار 50 روپے کے اضافے کے ساتھ ایک لاکھ 51 ہزار 150 روپے پر پہنچ گئی۔
10 گرام سونے کی قیمت میں 2 ہزار 615 روپے کا اضافہ ریکارڈ کیا گیا جس کے بعد 10 گرام سونے کی قیمت ایک لاکھ 29 ہزار 587 روپے ہو گئی۔
گزشتہ روز بھی سونے کی قیمت میں اضافہ ریکارڈ کیا گیا تھا اور سونے کی فی تولہ قیمت 2 ہزار 400 روپے اضافے کے بعد ایک لاکھ 48 ہزار 100 روپے ہو گئی تھی جبکہ 10 گرام سونے کی قیمت 2 ہزار 258 روپے اضافے کے بعد ایک لاکھ 26 ہزار 972 روپے ہو گئی تھی۔