امانت میں خیانت کے مقدمے میں سابق رکن اسمبلی جمشید دستی گرفتار

راولپنڈی: (ویب ڈیسک) سابق رکن اسمبلی جمشید دستی ایک بار پھر قانون کے شکنجے میں آگئے، راولپنڈی میں ہوٹل سے گرفتار کر لیا گیا۔
سابق رکن اسمبلی جمشید دستی کو امانت میں خیانت کے مقدمے میں راولپنڈی پولیس نے گرفتار کر لیا ہے، سابق ایم این اے کے خلاف ایمبولینس واپس نہ کرنے کا مقدمہ درج ہے۔
پولیس کے مطابق تھانہ نیوٹاؤن پولیس نے رات گئے جمشید دستی کو فیض آباد میں واقع ہوٹل سے گرفتار کیا گیا، راولپنڈی پولیس فیض آباد میں سرچ آپریشن کررہی تھی، سرچ آپریشن کے دوران جمشید دستی کو گرفتار کیا گیا، جمشید دستی کے خلاف مظفرگڑھ میں مقدمہ درج ہے۔