لندن: (ویب ڈیسک) کمپیوٹراورفون کے بے دریغ استعمال سے ہماری گردن میں اینٹھن اور تکلیف عام ہوچکی ہے۔ اس کےلیے فزیوتھراپی یا ادویہ استعمال کی جاتی ہیں۔ تاہم اب ایک جدید الٹراساؤنڈ مساجر سے اس تکلیف کو دور کیا جاسکتا ہے۔
کراؤڈ فنڈنگ ویب سائٹ پر موجود اس ایجاد کا پورا نام ’پورٹیبل الٹراساؤنڈ مساجر‘ یا پی یو ایم ہے۔ یہ ایک سیکنڈ میں دس لاکھ لاکھ ارتعاشات خارج کرتا ہے جو گوشت اور ہڈیوں کی گہرائی تک پہنچتے ہیں۔ ایک میگاہرٹز کی الٹراساؤنڈ شعاعیں اعصاب اور ہڈیوں کو راحت پہنچاتے ہیں۔ اس کے علاوہ پی یو ایم میں پٹھے اور عضلات کو سکون پہنچانے والا بھی نظام بھی ہے۔ اس کا تیسرا کام دورانِ خون کو بڑھانا ہے جس سے بہت افاقہ ہوتا ہے۔
اسے بنانے والی کمپنی کا دعویٰ ہے کہ صرف 14 روز میں پی یو ایم کے فوائد سامنے آنا شروع ہوجاتے ہیں اور فزیوتھراپی پر خطیر رقم کی ضرورت نہیں ہوتی۔ فون اور کمپیوٹر آج کے دور میں عام ہوچکے ہیں اور بالخصوص اسمارٹ فون کےبے تحاشہ استعمال سے ہم گردن جھکانےکے عادی ہوچکے ہیں جس سے گردن پر بوجھ پڑتا ہے اور عوام کی بڑی تعداد گردن کی تکلیف میں مبتلا ہے۔ اس کا طبی نام اسٹرنوکلائڈومیسٹوئڈ( ایس سی ایم) ہے جس سے گردن کے علاوہ کندھوں پر بوجھ بڑھتا ہے اور دردِ سر عام ہوجاتا ہے۔
پی یو ایم کی تیاری میں دنیا کے ممتاز سرجن ڈاکٹر او من چو سےمدد لی گئی ہے۔ جو کہتے ہیں ایک میگاہرٹز کی الٹراساؤنڈ سے گردن کی تکلیف دور کی جاسکتی ہے اور مریض پرسکون ہوجاتا ہے۔ کیونکہ الٹراساؤنڈ سے گردن اور اطراف کو حرارت ملتی رہتی ہے۔ ایک میگاہرٹز کی توانائی والی الٹراساؤنڈ جلد اور ہڈیوں میں بہت گہرائی تک اترتی ہیں۔
اسے کئی مریضوں پر آزمایا گیا ہے جنہوں نے اطمینان کا اظہار کیا ہے۔ پی یو ایم کی تعارفی قیمت 149 ڈالر رکھی گئی ہے۔
