لاہور: (ویب ڈیسک) سیشن کورٹ نے سٹرک بلاک کرنے اور کار سرکار میں مداخلت کے مقدمے میں تحریک انصاف کے رہنما شبلی فراز کی عبوری ضمانت 20 مارچ تک منظور کرلی۔
ایڈیشنل سیشن جج نے چیئرمین پی ٹی آئی عمران خان کے چیف آف سٹاف شبلی فراز کی درخواست پر کیس کی سماعت کی، شبلی فراز کے خلاف پولیس تھانہ ریس کورس نے مقدمہ درج کر رکھا ہے۔
عدالت نے پچاس ہزار روپے مچلکوں کے عوض عبوری ضمانت منظور کرتے ہوئے شبلی فراز کو شامل تفتیش ہونے کا حکم دے دیا، عدالت نے پولیس سے ملزم کی رپورٹ بھی طلب کی ہے۔
کار سرکار میں مداخلت، پی ٹی آئی رہنما شبلی فراز کی عبوری ضمانت منظور
