کراچی: (ویب ڈیسک) سعودی ‘گاکا’ سکیورٹی اسسٹنٹ ٹیم نے ملتان ایئرپورٹ کا دورہ کیا، ملتان ایئرپورٹ پہنچنے پر سعودی سکیورٹی ٹیم کو بریفنگ دی گئی۔ سعودیہ عرب کی “گاکا” سکیورٹی ٹیم نے ملتان ایئرپورٹ پر ٹرمینل عمارت کا معائنہ کیا، سعودی ایوی ایشن سکیورٹی ٹیم نے اے ایس ایف سکیورٹی سرچ کا جائزہ لیا، “گاکا” سکیورٹی وفد نے نجی کارگو کمپنی کے سکیورٹی انتظامات کو بھی دیکھا۔ اس موقع پر سعودی وفد نے ایئرپورٹ کے حفاظتی حصار یا پیرامیٹرز کا جائزہ بھی لیا، سعودی “گاکا” سکیورٹی وفد نے کیٹرنگ کمپنی کے سکیورٹی اقدامات کی جانچ پڑتال بھی کی۔
