لاہور میں سادہ روٹی اور نان کی قیمت میں کمی

لاہور: (ویب ڈیسک) لاہور میں سادہ روٹی اور نان کی قیمت میں کمی کر دی گئی۔
ذرائع مارکیٹ لاہور کے مطابق گندم کی قیمت کم ہونے کے بعد سادہ روٹی کی قیمت 20 سے 15 روپے مقرر کر دی جبکہ سادہ نان 30 سے 25 روپے کا فروخت ہونے لگا، روغنی نان 70 سے 40 روپے پر آگیا۔
ضلعی انتظامیہ کا کہنا ہے کہ شہر بھر میں یہی قیمت ہوگی، بعض تندور مالکان زیادہ قیمت وصول کر رہے ہیں جن کے خلاف کارروائی کی جائے گی۔
واضح رہے کہ گندم کی قیمت کم ہونے کے بعد نان اور روٹی کی قیمتوں میں کمی کا فیصلہ کیا گیا ہے۔