چیمپئینز ٹرافی کیلئے اپنی ٹیم پاکستان بھیجنے سے انکار کرنیوالے بھارتی بورڈ (بی سی سی آئی) کی ٹیم کو آئی سی سی ورلڈ ٹیسٹ چیمپئین شپ فائنل کھیلنے کیلئے گرین شرٹس کی مدد کی ضرورت پڑگئی۔
گزشتہ روز آسٹریلیا کیخلاف برسبین ٹیسٹ میچ ڈرا ہونے کے بعد بھارت کیلئے ورلڈ ٹیسٹ چیمپئین شپ کا فائنل کھیلنے کی امیدیں معدوم ہونے لگی ہیں اور انہیں پاکستان کا سہارا درکار ہے۔
آئی سی سی ٹیسٹ چیمپئین شپ کا فائنل کھیلنے کیلئے آسٹریلیا، بھارت، جنوبی افریقا اور سری لنکا کی ٹیمیں اس پوزیشن پر موجود ہیں جو ایونٹ کے فائنل کیلیے کوالیفائی کرسکتی ہیں۔
بھارت کی ٹیم ورلڈ ٹیسٹ چیمپئین شپ کا فائنل کیسے کھیل سکتی ہے؟
بھارتی ٹیم کو اگر فائنل کیلئے کوالیفائی کرنا ہے تو انکے مداحوں، بورڈ اور ٹیم کو پاکستان کیلئے دعا کرنا ہوگی کہ گرین شرٹس اپنے آنے والے پروٹیز کے خلاف بقیہ دونوں ٹیسٹ میچز میں فتح سمیٹ لیں اور پھر بھارت میزبان آسٹریلیا کیخلاف محض ایک ٹیسٹ میچ جیت فائنل کیلئے کوالیفائی کرجائے۔
بھارتی ٹیم کیلئے ورلڈ ٹیسٹ چیمپئین شپ کا فائنل کھیلنے کا ایک اور راستہ تھوڑ مشکل مگر آسان ہے، وہ ایسے اگر بھارت اپنے بقیہ دو میچز یعنی میلبرن اور سڈنی ٹیسٹ میں آسٹریلیا کیخلاف فتح سمیٹتا ہے تو وہ فائنل کیلئے کوالیفائی کرجائے گا لیکن کینگروز کو انکے میدان پر ہرانا بھارت کیلئے مشکل ترین ٹاسک ہے۔
اگر بھارت نے آسٹریلیا کیخلاف سیریز 1-3 سے جیتی تو وہ فائنل کھیلنے کی حقدار ٹھہرے گی۔
