اسرائیلی شہر میں نیتن یاہو کے دورے کے دوران زوردار دھماکا؛ ایک ہلاک، 2 زخمی

تل ابیب(ویب ڈیسک)اسرائیل کے جنوبی شہر کریات گت میں امریکی ٹیکنالوجی کمپنی انٹیل کی فیکٹری میں دھماکے اور آگ لگنے کے نتیجے میں تین کارکن شدید زخمی ہوگئے۔اسرائیلی اخبار دی ٹائمز آف اسرائیل اور دیگر مقامی ذرائع ابلاغ کے مطابق دھماکا بدھ 14 اکتوبر کو مقامی وقت کے مطابق دوپہر کے دوران پیش آیا۔واقعے کے وقت وزیراعظم بنیامین نیتن یاہو بھی شہر کے دورے پر تھے دھماکے کے بعد خطرناک کیمیائی مادے کے اخراج کا خدشہ ظاہر کیا گیا ہے۔تینوں زخمی ملازمین کے جسم پر جھلسنے کے شدید زخم آئے۔ دو دھماکے کے بعد بے ہوش ہوگئے تھے اور ان کی نبض بند ہو گئی تھی۔طبی عملے نے فوری طور پر سی پی آر اور برقی جھٹکوں کے ذریعے ان کی سانس اور دل کی دھڑکن بحال کی۔ دونوں کو بے ہوشی کی حالت میں وینٹی لیٹر پر منتقل کیا گیا۔طلاعات میں گیس سلنڈر پھٹنے کو ممکنہ وجہ قرار دیا گیا ہے۔ کسی حملے کے شواہد نہیں ملے۔