ارجنٹائن کے لیجنڈری فٹبالر لیونل میسی قومی ٹیم کے ساتھ اپنے آخری میچ کیلئے تیار ہیں۔ ارجنٹائن فٹبال ایسوسی ایشن (AFA) نے میسی کو 6 اکتوبر 2026 کو بینن کے خلاف دوستانہ میچ کیلئے اسکواڈ میں شامل کیا ہے، جو ان کا قومی ٹیم کے ساتھ باضابطہ الوداعی میچ ہوگا۔
یہ مقابلہ بیونس آئرس کے مونومینٹل اسٹیڈیم میں کھیلا جائے گا۔ AFA کے صدر کلاڈیو تاپیا نے کہا کہ میسی کو وہ الوداع دیا جائے گا جس کے وہ مستحق ہیں، جبکہ 2022 ورلڈ کپ جیتنے والی ارجنٹائن ٹیم کے کھلاڑیوں اور ان کے اہل خانہ کو بھی اس تقریب میں شرکت کی دعوت دی گئی ہے۔
39 سالہ میسی نے اگست 2026 میں ارجنٹینا کی قومی ٹیم سے ریٹائرمنٹ کا اعلان کیا تھا۔ وہ ارجنٹینا کی جانب سے 207 میچز میں 125 گول کرچکے ہیں اور 2022 کا ورلڈ کپ اور 2021 اور 2024 کی کوپا امریکا ٹرافیاں جیتنے والی ٹیم کا حصہ رہے۔
ارجنٹینا اس ونڈو میں 30 ستمبر کو بولیویا اور 3 اکتوبر کو برکینا فاسو کے خلاف بھی دوستانہ میچ کھیلے گا، تاہم AFA کے مطابق میسی صرف 6 اکتوبر کو بینن کے خلاف ہونے والے میچ میں شرکت کریں گے
