پاکستان اور کویت کے دیرینہ تعلقات انتئہائی اہمیت کے حامل شہباز شریف

واشنگٹن(بیوروچیف) وزیر اعظم شہباز شریف نے اقوام متحدہ جنرل اسمبلی کے 81 ویں اجلاس کے افتتاحی سیشن میں شرکت کی. اجلاس سے اقوام متحدہ کے سیکرٹری جنرل انتونیو گوتریس اور صدر ٹرمپ نے خطاب کیا۔ وزیر اعظم خطاب کے دوران جنرل اسمبلی ہال میں پاکستانی وفد کے ہمراہ موجود تھے۔ صدر ٹرمپ نے اپنے خطاب میں کہا کہ وزیرِ اعظم شہباز شریف ایک شاندار شخصیت ہیں’ بعد ازاں وزیرِ اعظم اجلاس میں شرکت کیلئے آئے ہوئے عالمی رہنمائوں سے دوطرفہ ملاقاتیں کریں گے۔ نیویارک سے نمائندہ خصوصی کے مطابق وزیراعظم شہباز شریف کی کویتی ولی عہد سے ملاقات’ وزیراعظم محمد شہباز شریف نے نیویارک میں اقوام متحدہ کی جنرل اسمبلی کے 81ویں اجلاس کے موقع پر کویت کے ولی عہد، عزت مآب شیخ صباح خالد الحمد الصباح سے ملاقات کی۔ملاقات میں وزیراعظم نے کویتی ولی عہد کو گرمجوش مبارکباد پیش کرتے ہوئے پاکستان اور کویت کے درمیان مضبوط اور برادرانہ تعلقات کا اعادہ کیا۔دونوں رہنمائوں نے دوطرفہ تعلقات، باہمی دلچسپی کے امور اور مختلف شعبوں میں تعاون مزید بڑھانے کے امکانات پر تبادلہ خیال کیا۔وزیراعظم شہباز شریف نے کہا کہ پاکستان کو کویت کے ساتھ اپنے دیرینہ تعلقات کو انتہائی اہمیت حاصل ہے۔ انہوں نے تجارت، سرمایہ کاری، توانائی اور انسانی وسائل کی ترقی کے شعبوں میں تعاون بڑھانے کی ضرورت پر زور دیا۔ملاقات کے دوران علاقائی اور عالمی صورتحال پر بھی تبادلہ خیال کیا گیا۔ دونوں رہنمائوں نے خطے اور دنیا میں امن، استحکام اور خوشحالی کے فروغ کے لیے مشترکہ عزم کا اظہار کیا۔