پاکستان ‘ ڈنمارک کے درمیان سیاسی مشاورت کا پانچواں دور، تعاون بڑھانے پر اتفاق

کوپن ہیگن(ویب ڈیسک)پاکستان اور ڈنمارک کے درمیان دوطرفہ سیاسی مشاورت کا پانچواں دور کوپن ہیگن میں منعقد ہوا، جس میں دونوں ممالک کے درمیان دوطرفہ تعلقات کا جامع جائزہ لیا گیا۔ترجمان دفتر خارجہ کے مطابق پاکستانی وفد کی قیادت ایڈیشنل سیکریٹری یورپ عائشہ علی جبکہ ڈنمارک کے وفد کی قیادت تجارت و سرمایہ کاری کی اسٹیٹ سیکریٹری سفیر سوزین ہائیڈیلنڈ نے کی۔مذاکرات کے دوران سیاسی روابط، تجارت و سرمایہ کاری، گرین ٹرانزیشن اور توانائی کے شعبوں میں تعاون، عوامی روابط، قونصلر امور اور کثیرالجہتی تعاون سمیت مختلف امور پر تبادلہ خیال کیا گیا۔دونوں جانب سے دوطرفہ تعلقات میں ہونے والی مثبت پیش رفت پر اطمینان کا اظہار کرتے ہوئے باہمی دلچسپی کے شعبوں میں تعاون مزید بڑھانے کے عزم کا اعادہ کیا گیا۔
ڈنمارک