شاہدرہ ٹائون، بھتہ خوروں نے تاجر سے50 لاکھ روپے بھتہ مانگ لیا

لاہور(کرائم رپورٹر) شہر میں بھتہ خوروں نے سر اٹھا لیا۔ شاہدرہ ٹائون کے علاقہ میں بھتہ خوروں نے تاجر سے 50 لاکھ روپے بھتہ مانگ لیا۔ شاہدرہ ٹائون کے علاقے اسلم پارک کے رہائشی تاجر سجاول علی کو زوہیب بٹ نامی بھتہ خور کی کال کی گئی۔ بھتہ خور زوہیب بٹ نے تاجر سجاول علی سے فون پر 50 لاکھ روپے بھتے کا مطالبہ کیا نہ دینے کی صورت میں جان سے مارنے کی دھمکی دی۔ ایف آئی آر کے مطابق بھتہ خور زوہیب بٹ نے سجاول علی کا فون بند ہونے پر اس کے دوست کے نمبر پر کال کرکے سجاول علی کو بچانے کے لیے بھتہ دینے کا کہا۔ بھتہ خوور زوہیب بٹ نے سجاول علی کے ڈیرے پر جاکر گیٹ پر فائرنگ کی۔ بھتہ خور زوہیب بٹ فائرنگ کے بعد فرار ہو گیا۔ تھانہ شاہدرہ ٹائون میں بھتہ خور زوہیب بٹ کے خلاف بھتہ خوری سمیت دیگر سنگین دفعات کے تحت مقدمہ درج کرلیا گیا۔