پر امن مظاہرین پر ظالمانہ کریک ڈاون مودی سرکار پر شدید تنقید

نئی دہلی(نیوز ایجنسیاں) بی جے پی کو فائدہ پہنچانے کیلئے ووٹرلسٹوں میں ہیراپھیری، 13کروڑ سے زائد نام خارج کرنا مودی کو مہنگا پڑ گیا۔انسانی حقوق کی عالمی تنظیم ہیومن رائٹس واچ نے کہا ہے کہ بھارت نے پرامن مظاہرین کیخلاف جابرانہ طریقے استعمال کرتے ہوئے موبائل انٹرنیٹ سروسز معطل کردیں۔ہیومن رائٹس واچ نے کہا کہ احتجاج کی کوریج کرنے والے بھارتی صحافیوں کو ہراساں اورمن مانی طورپرحراست میں لیا گیا، بھارتی چیف الیکشن کمشنرکے اقدامات سے مسلمان اور دیگرمذہبی اقلیتیں شدید متاثرہورہی ہیں۔ہیومن رائٹس واچ کی ایشیا ڈائریکٹرایلین پیئرسن نے کہا کہ دہلی پولیس پرامن احتجاج کے جواب میں غیر ضروری اورحد سے زیادہ طاقت استعمال کررہی ہے۔رائٹرز، نیو یارک ٹائمز سمیت عالمی میڈیا احتجاج کے دوران مودی کی بربریت اور جمہوریت کے کھوکھلے پن کو بے نقاب کرچکا ہے۔ادھر بھارت میں کاکروچ جنتا پارٹی نے جنتر منتر پر احتجاج کرنے کی پابندی ماننے سے انکار کردیا جبکہ دوبارہ احتجاج کی کوشش پر پارٹی کے دو مرکزی رہنمائو ں کو گرفتار کرلیا گیا۔بھارتی میڈیا کے مطابق عدالت نے یگرفتار دونوں رہنمائو ں کو پانچ روزکیلئے جیل بھیج دیا ہے،کاکروچ پارٹی نے جنتر منتر پر احتجاج پر پابندی کو مودی سرکار کے خوف کی علامت قرار دیا ہے۔پارٹی رہنمائو ں کا کہنا ہیکہ جس جنتر منتر پر احتجاج کرکے وزیر تعلیم کا استعفیٰ لیا تھا، اب وہیں سے چیف الیکشن کمشنر کا استعفیٰ بھی لیں گے۔
مودی تنقید