پنجاب آرٹس کونسل مری میں اچانک شدید آگ بھڑک اٹھی

مری(نمائندہ خبریں)پنجاب آرٹس کونسل مری میں اچانک شدید آگ بھڑک اٹھی، عمارت مسمار کرنے کے لیے خالی کی جا رہی تھی، ریسکیو 1122 نے بروقت کارروائی کرتے ہوئے آگ پر قابو پا لیا، کوئی جانی نقصان نہیں ہوا پنجاب آرٹس کونسل مری میں اچانک شدید آگ بھڑک اٹھی آگ نے دیکھتے ہی دیکھتے شدت اختیار کر لی پنجاب حکومتباقی  کی جانب سے ایکوائر کی گئی آرٹس کونسل کی عمارت کو مسمار کرنے کے لیے خالی کیا جا رہا تھا اور عمارت تقریبا خالی کی جا چکی تھی جبکہ چھت اتارنے کا کام ابھی جاری تھا کہ اچانک آگ بھڑک اٹھی واقعے کی اطلاع ملتے ہی ریسکیو 1122 اور دیگر متعلقہ اداروں کی ٹیمیں آگ بجھانے کے لیے موقع پر پہنچ گئیں عمارت تک دشوار گزار رسائی کے باعث امدادی گاڑیاں فاصلے پر کھڑی کرکے پائپوں کے ذریعے آگ بجھانے کا آپریشن کیا گیا ضلعی انتظامیہ اور اسسٹنٹ کمشنر مری کیپٹن (ر) ارشد اقبال سمیت متعلقہ اداروں کے افسران بھی موقع پر موجود رہے اور امدادی کارروائیوں کی نگرانی کرتے رہے ریسکیو 1122 اور دیگر اداروں کی بروقت کارروائی عمارت خالی ہونے اور مثر امدادی اقدامات کے باعث آگ پر جلد ہی قابو پا لیا گیا پنجاب آرٹس کونسل مری میں آتشزدگی کے واقعے میں کسی جانی نقصان کی اطلاع نہیں ملی۔