لندن ( مانیٹرنگ ڈیسک) برطانوی دارالحکومت لندن میں مبینہ طور پر ناخوشگوار واقعہ پیش آیا ہے، جہاں ایون فیلڈ اپارٹمنٹس کے باہر 2 نامعلوم نقاب پوش افراد نے سابق وزیراعظم اور مسلم لیگ (ن)کے قائد میاں نواز شریف کی گاڑیوں پر حملے کر کے ان کے شیشے توڑ دئیے گئے۔حملہ آور سائیڈ مرر بھی اتار کر لے اڑے۔ لندن پولیس نے اس واقعے کی تحقیقات شروع کر دی ہیں اور علاقے کی سی سی ٹی وی (CCTV) فوٹیج بھی اپنے قبضے میں لے لی ہے۔ برطانوی دارالحکومت لندن میں مبینہ طور پر ناخوشگوار واقعہ پیش آیا ہے جہاں ایون فیلڈ اپارٹمنٹس کے باہر 2نامعلوم نقاب پوش افراد نے سابق وزیراعظم اور مسلم لیگ (ن)کے قائد میاں نواز شریف کی گاڑیوں (بی ایم ڈبلیو اور مرسیڈیز )پر حملے کر کے ان کے شیشے توڑ دئیے۔ذرائع کے مطابق واقعہ اس وقت پیش آیا جب نواز شریف کی گاڑیاں ایون فیلڈ کے باہر موجود تھیں۔ اچانک دو نقاب پوش افراد نے گاڑیوں پر حملہ کیا اور توڑ پھوڑ کرنے کے بعد موقع سے فرار ہو گئے۔واقعے کی اطلاع ملتے ہی برطانوی پولیس فوری طور پر موقع پر پہنچ گئی اور علاقے کو گھیرے میں لے کر تحقیقات کا آغاز کر دیا۔ پولیس نے ایون فیلڈ کے اطراف نصب سی سی ٹی وی کیمروں کی فوٹیج اپنی تحویل میں لے لی ہے تاکہ ملزمان کی شناخت کی جا سکے اور ان کی گرفتاری عمل میں لائی جا سکے۔واضح رہے کہ لندن میں نواز شریف یا ان کے قافلے کی گاڑیوں کے ساتھ اس نوعیت کا یہ پہلا واقعہ نہیں ہے، بلکہ اس سے قبل بھی دو مرتبہ ان کی گاڑیوں پر حملے اور توڑ پھوڑ کے واقعات پیش آ چکے ہیں۔ تازہ ترین واقعے کے بعد یہ مسلسل تیسری بار ہے کہ ان کی گاڑی کو نشانہ بنایا گیا ہے۔لیگی ذرائع اور رہنماؤں نے واقعے پر سخت تشویش کا اظہار کرتے ہوئے برطانوی حکام سے ذمہ داروں کے خلاف سخت ترین قانونی کارروائی کا مطالبہ کیا ہے۔ پولیس کی جانب سے واقعے کی مزید تفتیش جاری ہے۔اس سے قبل گفتگو کرتے ہوئے نواز شریف کا کہنا تھا کہ پشاور میں سکول کی چھت گرنے کا واقعہ افسوسناک ہے۔نواز شریف کا کہنا تھا کہ پنجاب میں نجی سکولوں کی حالت زار سے متعلق مریم نواز پہلے ہی کام کر رہی ہیں۔ان کا کہنا تھا کہ پاکستان دہشت گردی کے مسئلے کو سمجھتا ہے اور اس کا نوٹس بھی لے رہا ہے۔اپنی صحت سے متعلق بات کرتے ہوئے نواز شریف نے بتایا کہ میری طبیعت ٹھیک ہے، اللہ کا شکر ہے۔ مسلم لیگ (ن) کے حامیوں اور سوشل میڈیا پر کچھ حلقوں کی جانب سے اس واقعے کا الزام سیاسی مخالفین (تحریک انصاف) کے کارکنان پر لگایا جا رہا ہے، تاہم پولیس اس معاملے کی ہر پہلو سے تفتیش کر رہی ہے۔واضح رہے کہ سابق وزیرِ اعظم میاں نواز شریف حال ہی میں 10 اکتوبر 2026 کو اپنے طبی معائنے اور نجی مصروفیات کے لیے لندن پہنچے ہیں۔ ایون فیلڈ اپارٹمنٹس کے باہر ن لیگ کے کارکنوں نے ان کا استقبال کیا۔پولیس نے حالیہ واقعے کی سی سی ٹی وی فوٹیج اپنی تحویل میں لے لی۔فوٹیج میں دو نقاب پوش نوجوان گاڑی کے شیشے اتار تے ہوئے موجود تھے، نواز شریف کی گاڑیوں کیساتھ یہ تیسرا واقعہ پیش آیا ہے۔
نواز شریف
