موناکو رہائش کیلئے دنیا کا بہترین ملک قرار

کراچی (این این آئی) زندگی گزارنے اور رہائش اختیار کرنے کے لیے دنیا کے بہترین ممالک کی نئی فہرست میں یورپی ملک موناکو نے پہلی پوزیشن حاصل کرلی ہے۔ نوماڈ کیپیٹلسٹ کی جانب سے جاری کردہ فہرست میں 63 ممالک کی درجہ بندی مختلف عوامل کی بنیاد پر کی گئی ہے۔رپورٹ کے مطابق ممالک کی درجہ بندی میں قدرتی ماحول، ٹیکس نظام، تحفظ، آزادی، معیار زندگی اور بنیادی ڈھانچے سمیت متعدد عوامل کو مدنظر رکھا گیا۔ اس کے علاوہ فضائی معیار، موسمیاتی تبدیلیوں کے خطرات، شہریت اور رہائش کے قانونی ذرائع، عالمی امن انڈیکس میں مقام، اوسط عمر، طرز زندگی کے اخراجات اور انٹرنیٹ کی رفتار کا بھی جائزہ لیا گیا۔فہرست میں انڈورا دوسرے جبکہ متحدہ عرب امارات تیسرے نمبر پر رہا۔