واشنگٹن(این این آئی )امریکی حکومت نے یوکرین کو پیٹریاٹ فضائی دفاعی نظام کے لیے انٹرسیپٹر میزائلوں کی فراہمی کی تاحال منظوری نہیں دی ۔ امریکی اخبار نے ذرائع کے حوالے سے بتایا کہ امریکی وزیر دفاع پیٹ ہیگسیتھ نے دیگر ممالک کے ذریعے یوکرین کو پیٹریاٹ میزائل فراہم کرنے کے لیے ضروری کارروائی مکمل نہیں کی۔رپورٹ کے مطابق وزیر دفاع نے ان میزائلوں کی فراہمی کو روکنے کا فیصلہ نہیں کیا، تاہم انہوں نے اس کی منظوری کے لیے درکار طریقہ کار بھی مکمل نہیں کیا،یہ میزائل امریکا میں تیار اور بیرون ملک فراہم کیے جاتے ہیں۔ معاہدے کے تحت ان میزائلوں کو کسی تیسرے ملک منتقل کرنے کے لیے امریکی حکومت کی منظوری ضروری ہے۔گزشتہ ہفتے ایک امریکی نشریاتی ادارے نے رپورٹ کیا تھا کہ یوکرین کے پاس پیٹریاٹ میزائلوں کا ذخیرہ ختم ہو چکا ہے۔
