عالمی منڈی میں تیل کی قیمتیں پانچ ماہ کی بلند ترین سطح پر پہنچ گئیں

نیویارک (این این آئی) عالمی منڈی میں خام تیل کی قیمتیں پانچ ماہ کی بلند ترین سطح کے قریب برقرار ہیں جبکہ سعودی عرب پر حوثی حملوں کے تسلسل اور عالمی توانائی کی فراہمی متاثر ہونے کے خدشات نے قیمتوں کو سہارا دیا ہے۔ غیرملکی خبر رساں ادارے کے مطابق جمعے کو ایشیائی کاروباری اوقات کے آغاز پر عالمی معیار کے برینٹ خام تیل کی قیمت 0.2 فیصد کمی کے بعد112.96 ڈالر فی بیرل رہی جبکہ امریکی خام تیل ویسٹ ٹیکساس انٹرمیڈیٹ (ڈبلیو ٹی آئی)کی قیمت 0.3 فیصد گھٹ کر 98.12 ڈالر فی بیرل پر آگئی۔ معمولی کمی کے باوجود تیل کی قیمتیں بلند سطح پر برقرار ہیں۔