ترکیہ ‘ لیبیا کے درمیان سمندری حدود معاہدے پر اسرائیل کو پریشانی

انقرہ(این این آئی)اسرائیل نے ترکیہ اور لیبیا کے درمیان ہونے والے سمندری معاہدے کی مذمت کی ہے۔ اس معاہدے کے باعث ترکیہ اور لیبیا کے فوجی رہنما خلیفہ حفتر مزید قریب آگئے۔ یہ معاہدہ سمندری حدود سے متعلق ہے۔ عرب ٹی وی کے مطابق مشرقی لیبیا فوجی رہنما خلیفہ حفتر کے کنٹرول میں ہے۔ ان کی حکومت انقرہ کے قریب ہے۔ تاہم اس کی بین الاقوامی سطح پر تسلیم شدہ حکومت کے ساتھ تعلقات میں رقابت پائی جاتی ہے۔ بین الاقوامی سطح پر تسلیم شدہ حکومت طرابلس میں قائم ہے۔لیبیا اور ترکیہ کے درمیان سمندری حدود کے معاہدے کے لیے ہونے والی مفاہمتی یادداشت ممکنہ طور پر مشرقی بحر متوسط کے گیس سے مالا مال حصوں سے ہے۔ ان گیس وسائل کے بارے میں یونان کا دعویٰ ہے کہ یہ اس کی ملکیت کا علاقہ ہے۔اس مفاہمتی یادداشت کے سامنے آنے پر ایتھنز نے اپنے اعتراضات کا اعادہ کیا ہے۔ قبرص نے بھی اس معاہدے پر اعتراض کیا ہے۔ یورپی یونین نے بھی اپنے دو رکن ممالک کے موقف کی حمایت کی ہے۔