پولیو کے خلاف جنگ میں کوئی کوتاہی غفلت یا سمجھوتہ نہیں ہوگا، وزیراعلیٰ سندھ

کراچی(این این آئی)وزیراعلیٰ سندھ سید مراد علی شاہ نے عالمی یومِ انسدادِ پولیو کے موقع پر اپنے پْرعزم پیغام میں کہا ہے کہ پولیو کے خلاف جنگ میں کوئی کوتاہی، غفلت یا سمجھوتہ نہیں کیا جائے گا۔ سندھ کے ہر بچے کو پولیو سے محفوظ بنانا حکومت کی اولین ترجیح اور قومی ذمہ داری ہے، جس کے لیے مسلسل ویکسینیشن اور عوامی تعاون ناگزیر ہے۔وزیراعلیٰ سندھ نے کہا کہ پولیو ایک خطرناک اور ناقابلِ علاج مرض ہے، تاہم بروقت ویکسینیشن کے ذریعے بچوں کو اس بیماری اور اس کے نتیجے میں ہونے والی معذوری سے محفوظ بنایا جاسکتا ہے۔