جنرل ہسپتال ‘ تمام 10 لفٹس بحال، مریضوں’ لواحقین کا دیرینہ مسئلہ حل

لاہور (این این آئی)وزیراعلیٰ پنجاب مریم نواز شریف کے احکامات کی روشنی میں لاہور جنرل ہسپتال میں شہریوں کو علاج معالجے کی بہترین سہولیات فراہم کرنے کے ساتھ ساتھ ان کی فلاح و بہبود اور مشکلات کے ازالے کے لیے بھی مثالی اقدامات کیے جا رہے ہیں اسی سلسلے میں ہسپتال کی تمام 10 لفٹس بحال کر کے مریضوں، لواحقین اور عملے کا ایک اہم اور دیرینہ مسئلہ حل کر دیا گیا ہے عرصہ دراز سے نصب لفٹس کی ری ویمپنگ اور بحالی پر دو کروڑ 70 لاکھ روپے خرچ ہوئے ۔ایم ایس جنرل ہسپتال پروفیسر ڈاکٹر فریاد حسین کے مطابق آؤٹ ڈور بلڈنگ کی 6 لفٹس، ایمرجنسی کی 2 لفٹس جبکہ فیز تھری میں آئی سی یو اور آپریشن تھیٹرز کے لیے مختص ایک لفٹ بھی فعال کر دی گئی ہے، جبکہ فیز ون میں مریضوں کے لیے لفٹ کی سہولت پہلے ہی دستیاب ہے ۔