8 ہزار بوسٹر انجکشن’ سمگلنگ کیس کے ملزم کی ضمانت بعد از گرفتاری کی درخواست دائر

لاہور (کورٹ رپورٹر) لاہور ہائیکورٹ میں آٹھ ہزار بوسٹر انجکشن سمگلنگ کیس کے ملزم اویس
میمن کی ضمانت بعد از گرفتاری کی درخواست دائر کردی گئی۔ درخواست گزار ملزم نے ایڈووکیٹ رضوان کاشف کلار کی وساطت سے درخواست بعد از گرفتاری ضمانت دائر کی ہے۔ درخواست میں موقف تھا کہ کسٹمز حکام نے اویس میمن کو علامہ اقبال انٹرنیشنل ایئرپورٹ لاہور سے گرفتار کیا تھاملزم کے سامان میں دو ٹرالی بیگز سے آٹھ ہزار انجکشن اور دیگر اشیا برآمد ہونے کا الزام ہے۔ ملزم کی ضمانت کی درخواست سپیشل جج کسٹمز اینڈ اینٹی سمگلنگ لاہور مسترد کر چکے ہیں۔ درخواست میں استدعا ہے کہ عدالت درخواست گزار کی بعد از گرفتاری ضمانت پر رہا کرنے کا حکم صادر فرمائے۔