کراچی(این این آئی)امیر جماعت اسلامیپاکستان حافظ نعیم الرحمان نے بینظیر انکم سپورٹ پروگرام (بی آئی ایس پی) کی کارکردگی پر سوالات اٹھاتے ہوئے پروگرام میں مبینہ کرپشن اور غربت میں اضافے پر تشویش کا اظہار کیا ہے۔حافظ نعیم الرحمان نے سماجی رابطے کی ویب سائٹ ایکس پر جاری اپنے بیان میں دعویٰ کیا کہ بی آئی ایس پی میں 24 ارب روپے کی کرپشن کا انکشاف ہوا ہے اور غریبوں کے نام پر جاری ہونے والی رقم ملازمین وصول کرتے رہے، جس سے پروگرام میں شفافیت پر سوالات پیدا ہوئے ہیں۔انہوں نے کہا کہ سالانہ 800 ارب روپے سے زائد بجٹ مختص ہونے کے باوجود بی آئی ایس پی غربت کے خاتمے میں کامیاب نہیں ہوسکا۔
