گوادر(این این آئی)گوادر شہر سے متعلق فتنہالہندوستان کا سوشل میڈیا پروپیگنڈا بے نقاب ہوگیا، جہاں شہر میں معمولات زندگی رواں دواں ہیں۔میڈیارپورٹ کے مطابق گوادر میں حالات معمول کے مطابق اور ٹریفک کی روانی برقرار ہے جس نے سوشل میڈیا پر فتنہ الہندوستان کے منفی پروپیگنڈے کا بھانڈا پھوڑ دیا ہے۔شہرسمیت مختلف علاقوں میں امن وامان کی صورتحال مکمل طورپربہتر اور معمول کے مطابق ہے جبکہ شہر کے تمام تجارتی مراکز کھلے ہیں۔ فتنہ الہندوستان کی جانب سے گوادر شہرسے متعلق پھیلائے جانے والے گمراہ کن پروپیگنڈے کے برعکس زمینی حقائق سامنے آچکے ہیں۔بلوچستان کے عوام نے گوادر کے حالات سے متعلق سوشل میڈیا پر پھیلائی جانے والی گمراہ کن اطلاعات کی تردید کر دی ہے۔واضح رہے کہ گوادر میں معمولات زندگی متاثر ہونے سے متعلق فتنہ الہندوستان سوشل میڈیا پر بے بنیاد پروپیگنڈا پھیلانے میں مصروف ہے۔
