سونے کی قیمتوں میں کمی

کراچی (این این آئی) ملک میں سونے کی قیمتوں میں کمی کے بعد ایک بار پھر اضافہ ریکارڈ کیا گیا ہے، جس کے نتیجے میں فی تولہ سونے کی قیمت بڑھ کر 4لاکھ 23 ہزار 436 روپے ہوگئی۔ آل پاکستان صرافہ جیمز اینڈ جیولرز ایسوسی ایشن کے مطابق مقامی صرافہ مارکیٹ میں فی تولہ سونے کی قیمت میں 1400 روپے کا اضافہ ہوا، جس کے بعد اس کی نئی قیمت 4 لاکھ 23 ہزار 436 روپے ہوگئی۔ اسی طرح 10 گرام سونے کی قیمت 1201 روپے بڑھ کر 3 لاکھ 63 ہزار 28 روپے پر پہنچ گئی۔ دوسری جانب عالمی مارکیٹ میں بھی سونے کی قیمت میں اضافہ دیکھا گیا، جہاں فی اونس سونا 14 ڈالر مہنگا ہوکر 4009 ڈالر کا ہوگیا۔واضح رہے کہ 24 اکتوبر کو مقامی مارکیٹ میں فی تولہ سونے کی قیمت میں 2500 روپے کی کمی ریکارڈ کی گئی تھی، تاہم تازہ اضافے کے بعد سونے کے نرخ ایک بار پھر بڑھ گئے ہیں۔