علیشبہ عدنان کو گلوبل ڈائریکٹر آف یوتھ افیئرز مقرر کر دیا گیا

راولپنڈی(سٹی رپورٹر)فاطمہ جناح وومن یونیورسٹی (FJWU) راولپنڈی کے شعبہ پبلک ہیلتھ کی سٹوڈنٹ علیشبہ عدنان کو عالمی آرگنائزیشن ‘گلوبل انجینئرنگ نیٹ ورک آف انوویشن اینڈ انٹیلی جنس’ (GEN-II) میں گلوبل ڈائریکٹر آف یوتھ افیئرز (Global Director of Youth Affairs) مقرر کر دیا گیا ہے۔ اس اہم انٹرنیشنل پوزیشن پر سلیکشن کے بعد علیشبہ عدنان عالمی سطح پر یوتھ کی نمائندگی کریں گی، جہاں وہ مختلف ممالک کے ینگ انوویٹرز کو ایک پلیٹ فارم پر اکٹھا کرنے اور مختلف پروجیکٹس کو لیڈ کرنے کی ذمہ داری سنبھالیں گی۔ اپنے اس نئے رول میں وہ یوتھ میں لیڈرشپ کیپیسٹی کو بہتر بنانے، انٹرنیشنل لیول پر مختلف شعبوں کے باہمی تعاون کو مضبوط کرنے اور سسٹینیبل ڈیولپمنٹ کے گولز (SDGs) کو پورا کرنے کے لیے کام کریں گی۔ علیشبہ عدنان کا اس گلوبل پوزیشن کے لیے چنا انٹرنیشنل پلیٹ فارمز پر پاکستانی خواتین کی بڑھتی ہوئی پارٹیسیپیشن اور لیڈرشپ کا بڑا ثبوت ہے۔ وائس چانسلر پروفیسر ڈاکٹر بشری مرزا (حسن کارکردگی، تمغہ امتیاز) کی ڈائنامک لیڈرشپ میں فاطمہ جناح وومن یونیورسٹی اپنی سٹوڈنٹس کو اعلی تعلیمی معیار، ریسرچ اور گلوبل لیول پر آگے بڑھنے کے بہترین موقع فراہم کر رہی ہے۔ اس بڑی کامیابی پر بات کرتے ہوئے علیشبہ عدنان نے کہا کہ وہ یوتھ کو بااختیار بنانے، کراس کلچرل پارٹنرشپ کو فروغ دینے اور انوویشن کے ذریعے سسٹینیبل ڈیولپمنٹ گولز کے حصول کے لیے اپنی تمام تر صلاحیتیں استعمال کریں گی۔