کراچی(این این آئی)بھارت نے 4 پاکستانی ماہی گیروں کو گرفتار کر لیا۔فشر فوک فورم کے مطابق سمندری حدود سر کریک سے بھارتی سیکیورٹی فورس نے 4 پاکستانی ماہی گیروں کو گرفتار کیا ہے۔فشر فوک فورم کے وائس چیئرمین نور محمد کے مطابق بھارتی فورسز نے ماہی گیروں کو گزشتہ روز گرفتار کیا اور ان کی فائبر فشنگ بوٹ بھی تحویل میں لے لی۔انہوں نے بتایا کہ چاروں ماہی گیروں کا تعلق سجاول کے ساحلی علاقے چھچھ جہان خان سے ہے۔
