لاہور: سموگ کیخلاف ریکارڈ کارروائیاں’اکتوبر میں 67 ہزار سے زائد چالان

لاہور (این این آئی) لاہور ٹریفک پولیس کی جانب سے سموگ کے خلاف اکتوبر میں ریکارڈ کارروائیاں، 67ہزار 914چالان جاری کیے گئے۔ ترجمان کے مطابق سموگ تدارک کریک ڈائون میں ماہ اگست، ماہ ستمبر کی اوسط کے مقابلےمیں 39فیصد اضافہ ہوا ۔ فٹنس سرٹیفکیٹ کی خلاف ورزی پر 7ہزار 272چالان، کارروائیوں میں 73 فیصد اضافہ دیکھنے میں آیا۔ ترپال کے بغیر ٹریکٹر ٹرالیوں کے خلاف 2ہزار 166چالان، کارروائیوں میں 90فیصد اضافہ ہوا ۔ دھواں چھوڑنے والی گاڑیوں کے خلاف 3ہزار 993چالان، کارروائیوں میں 209فیصد اضافہ ہوا ۔ اوورلوڈنگ اور اوور ڈائمینشن پر 54ہزار 483چالان، کارروائیوں میں 29فیصد اضافہ ریکارڈ کیا گیا ۔ چاروں خلاف ورزیوں میں میں سال کی بلند ترین سطح پر انفورسمنٹ کارروائیاں ریکارڈ کی گئیں،ماحولیاتی آلودگی روکنے کے لیے ترپال کے بغیر 3ہزار 46گاڑیوں کو واپس بھجوا دیا گیا۔