ایمرجنسی کالز پر فوری رسپانس ‘بروقت معاونت، سیف سٹی شہریوں کے تحفظ کیلئے سرگرم

لاہور (این این آئی) پنجاب سیف سٹیز اتھارٹی نے ایمرجنسی ہیلپ لائن 15کی ماہ اکتوبر کی کارکردگی رپورٹ جاری کر دی۔ ترجمان سیف سٹیز کے مطابق پنجاب بھر سے ایمرجنسی ہیلپ لائن 15پر مجموعی طور پر 11لاکھ 36ہزار 107کالز
موصول ہوئیں، لاہور سے ایمرجنسی ہیلپ لائن 15پر 2لاکھ 22ہزار 574کالز پر شہریوں کو بروقت معاونت فراہم کی گئی، ورچوئل ویمن پولیس سٹیشن کی 39ہزار 769کالز پر خواتین کو پولیس و قانونی معاونت فراہم کی گئی۔ ورچوئل سنٹر فار چائلڈ سیفٹی پر 7ہزار 591کالز پر بچوں کے تحفظ کے لئے فوری کارروائی کی گئی، ورچوئل بلڈ بینک پر 5ہزار 492کالز پر شہریوں کو بلڈ ڈونرز سے بروقت رابطے میں مدد فراہم کی گئی، نفسیاتی رہنمائی کی 1ہزار 219کالز پر شہریوں کو ذہنی دبا سے نمٹنے میں ماہرینِ نفسیات کی معاونت فراہم کی گئی۔