وکلا پلازہ کی ایکوزیشن معاوضے کی عدم ادائیگی پر ڈسٹرکٹ بار کا 72 گھنٹے کا الٹی میٹم

مری(نمائندہ خبریں)وکلا پلازہ کی ایکوزیشن کے معاوضے کی عدم ادائیگی پر ڈسٹرکٹ بار مری کا 72 گھنٹے کا الٹی میٹم صدر ڈسٹرکٹ بار ایسوسی ایشن مری عمران خان عباسی کی صدارت میں آج ایک ہنگامی جنرل ہاس اجلاس منعقد ہوا سینئر اراکین نے وکلا پلازہ کی ایکوزیشن کے عوض معاوضے کی عدم ادائیگی پر شدید تحفظات کا اظہار کیا اجلاس میں اس امر پر تشویش کا اظہار کیا گیا کہ انتظامیہ اور ڈسٹرکٹ بار کے مابین طے شدہ MOU کے مطابق معاوضہ 45 دن کے اندر ادا کیا جانا تھا تاہم مقررہ مدت گزرنے اور متعدد یقین دہانیوں کے باوجود تاحال ادائیگی نہیں کی گئی اجلاس نے انتظامیہ کے اس غیر سنجیدہ رویے کی شدید مذمت کی جنرل ہاس نے متفقہ قرارداد کے ذریعے انتظامیہ کو معاوضے کی ادائیگی کے لیے 72 گھنٹے کا حتمی الٹی میٹم دے دیا بصورت دیگر بار سول و فوجداری کارروائی احتجاجی مظاہروں اور انتظامیہ کی کچہری میں داخلہ پر پابندی سمیت آئندہ کا لائحہ عمل اختیار کرے گی اور احتجاج کے دائرہ کار کو وسیع کرے گی ڈسٹرکٹ بار ایسوسی ایشن مری نے واضح کیا کہ وکلا برادری اپنے جائز حقوق کے حصول کے لیے متحد ہے اور کسی صورت اپنے حق سے دستبردار نہیں ہوگی۔